Tàm dơ̆ wă, Củ tịc lơgar ồng Võ Văn Thưởng đơs nền lơgar Việt Nam ờ tŭ lơi tam gơl, ngan là sền dờng màng bơta gĭt gơ̆p lơh broă bal jŏ jòng tơl làm mờ lơgar Nga. Củ tịc lơgar ring bal mờ jơnau đơs bơh Củ tịc Duma Dà lơgar Nga dê bè lơh broă bal lơh sa- kă bro, bơcri priă tàm tơngai pa do geh bè bơta kơ̆p kờñ, mơya hơ̆ neh là bơta pơnđơl pràn lơh ngan mờ pơnđơl pràn ngan tai bơh jơh 2 gah dê tàm tơngai mờ ală bơta geh uă kal ke.

Tàm tơngai tus, Củ tịc lơgar sồr 2 gah pơn jat tai lơh pràn tàm pơgơl, tìp mat kwang bàng kấp dờng, tài bơh broă tìp mat bal nàng cribơyai, pơnđơl pràn lơh ngan bal mờ gơ̆p sơr lèt gan kal ke là kwơ màng ngan mờ kờñ pal geh ngan gơwèt mờ ală cau gơ̆p bơyô jŏ nam di nùs di tồr ngan. Củ tịc lơgar kơ̆p kờñ lơh broă bal đah 2 gah tàm ală gah sền gàr dà lơgar, lơngap lơngai, khoa họk kông nghệ, bơto bơtê, niam chài mờ tìp mat lơh kwèng làng bol rơ̆p pơn jat tai bơtàu tơnguh uă ngan tàm tơngai tus.