Củ tịc lơgar ồng Võ Văn Thưởng gờm chờ Đại sứ lơgar Hàn Quôk mò Oh Youngju chờ hờp ngan dờp kơnòl broă pa; pin dờn mờ kơ̆p kờñ mò Oh Youngju rơ̆p sùm dong kờl mờ pơn jat tai lơh pràn kơl dang bơta gĭt gơ̆p lơh broă bal lơgar lơh broă kwơ màng tơl làm đah Việt Nam mờ Hàn Quôk tàm tơngai tus.

Củ tịc lơgar jờng rơ uă ngan Đại sứ lơgar Hàn Quôk lơh sir jak ngan kơnòl broă tàm lơgar Việt Nam, geh ală tă pơgồp kwơ màng tàm broă sơlơ tơnguh bơta gĭt gơ̆p đah 2 lơgar dê, ngan là tus bal tàm rơndap 2 broă lơh: Củ tịc lơgar Việt Nam còp lơgar Hàn Quôk lồi nam 2022 mờ dơ̆ lòt còp kấp Dà lơgar tus lơgar Việt Nam bơh Kwang atbồ lơgar Hàn Quôk dê pa do. Tàm dơ̆ wă, Đại sứ lơgar Hàn Quôk đơs wơl jơnau jà bơh Kwang atbồ lơgar Hàn Quôk dê ồng Yoon Suk Yeol tàm dơ̆ tìp mat tàm Hà Nội, jà Củ tịc lơgar ồng Võ Văn Thưởng mờ pơ ùr ồng dê gờñ lòt còp lơgar Hàn Quôk. Củ tịc lơgar chờ hờp dờp jơnau jà mờ pà gĭt, dơ̆ lòt còp rơ̆p geh rơndap tap sèng tàm tơngai di pal.