Tàm dơ̆ wă, Củ tịc lơgar ồng Võ Văn Thưởng jờng rơ uă ngan ồng Đại sứ tàm tơngai pa do neh lơh ngan geh ală dơ̆ lơh broă mờ ală anih lơh broă geh gơnoar lơgar Việt Nam dê; lòt còp uă tiah nàng kờñ sơlơ tơnguh bơta gĭt gơ̆p lơh broă bal đah 2 lơgar ngai sơlơ jrô ơnàng làm uă mờ geh cồng nha.

Đại sứ đơs nền, lơgar Mỹ rơ̆p pơn jat tai lơh broă bal niam mờ lơgar Việt Nam tàm broă bơsong jơnau gơ lời wơl tàm rài tam lơh, tàm hơ̆ geh broă bơsong broă gơrềng tài bơh sơnơm khih dioxin gơ lời wơl, jòi rồ ƀồm mền mờ jòi cau roh thĭt tơnơ̆ rài tam lơh. Nàng pơn jat tai lơh jrô ơnàng làm uă rlau tai bơta gĭt gơ̆p đah Việt Nam mờ Mỹ tàm tơngai tus, Củ tịc lơgar sồr 2 gah sơlơ tơnguh rlau tai ală broă lơh tàm pơgơl mpồl kwang bàng, tìp mat kwang bàng kấp dờng mờ ală kấp; gơ hòi gơ jà uă rlau tai ală broă lơh, rơndap broă lơh lơh broă bal đah 2 gah tàm tơl ală gah broă, cèng wơl bơta kwơ geh ngan jơh bal 2 lơgar in, mơkung tă pơgồp uă ngan ai ring lơngai, kơ̆ kơljap, lơh broă bal mờ bơtàu tơnguh tàm tiah do mờ tàm dunia.