Củ tịc lơgar ồng Võ Văn Thưởng đơs, Đại sứ neh pơgồp bơnah kwơ màng tàm broă chồl tơnguh bơta gĭt gơ̆p đah lơgar Việt Nam mờ Nigeria, gờm chờ lơgar Nigeria lơh geh ală cồng nha lơh sa- mpồl bơtiàn kwơ màng tơngai pa do. Bè lơh broă bal đah 2 gah, Củ tịc lơgar ồng Võ Văn Thưởng jờng rơ uă ngan cồng nha lơh broă bal đah lơgar Nigeria mờ Việt Nam tàm tơngai pa do, ngan là ală broă lơh lơh broă bal tàm gah bơtàu tơnguh lơh sa- mpồl bơtiàn.

Đơs nền lơgar Việt Nam lơh jat nùs nhơm ờ tŭ lơi tam gơl gùng dà broă lơh lơh broă mờ lơgar ndai lơngap lơngai is, rcang is tài ring lơngai, lơh bơyô bal, lơh broă bal mờ bơtàu tơnguh, lơh uă bơta gĭt gơ̆p, lơh bơyô mờ uă lơgar gĭt gơ̆p lơh broă mờ lơgar ndai; là bơyô, là cau lơh broă bal pin dờn mờ là lơgar tàm mpồl jơh nùs, geh kơnòl tàm mpồl bơtiàn dunia dê, Củ tịc lơgar pà gĭt, Việt Nam kơ̆p kờñ bơtàu tơnguh rlau tai bơta gĭt gơ̆p mờ lơgar Nigeria tàm tơl gah broă. 2 gah pal sơlơ tơnguh tìp mat cribơyai, tàm pơgơl mpồl kwang bàng kấp dờng mờ ală kấp lòt còp bal mờ gơ̆p; sơlơ tơnguh rlau tai lơh broă bal đah ală Ƀộ, ngàñ, ală tiah; pơn jat tai gàr niam broă cribơyai, lơh broă bal gơwèt mờ ală broă bơh tiah do mờ tàm dunia.