Wă rò Đại sứ lơgar Venezuela ồng Juan Carlos Fernandes Juarez, Củ tịc lơgar ồng Võ Văn Thưởng nting bơr gờm chờ Đại sứ dờp kơnòl broă tàm lơgar Việt Nam; pin dờn, tàm tơngai lơh broă bơh Đại sứ dê, bơta git gơp lơh broă bal đah Việt Nam mờ Venezuela rơp lơh geh uă cồng nha pa. Củ tịc lơgar đơs ngan, ală anih lơh broă geh gơ rềng bơh Việt Nam dê rơp dong kờl jơh nùs nàng Đại sứ lơh gơs kơnòl broă; pơgồp bơnah sơlơ tơnguh bơta git gơp 2 lơgar.

Wă rò Đại sứ lơgar Lào mò Khamphao Ernthavanh, Củ tịc lơgar ồng Võ Văn Thưởng đơs nền, bơta git gơp đah Việt Nam mờ Lào ngan ngồn là bơta git gơp kuơmàng ngan mờ bơta lơh bơyô bal, tam klac bal dờng màng geh ală kwang đơng lam bồ lài do bơh 2 lơgar dê lơh bơnàng jă, bơt bơtàu gơs mờ lơh gơs, gơ gơs là jơtài bal kuơmàng ờ git lơh bơh jơh bal 2 jơi bơtiàn dê. Củ tịc lơgar ồng Võ Văn Thưởng đơs sùm, ală anih lơh broă geh gơ rềng bơh Việt Nam dê rơp jơh nùs dong kờl, pơgồp bal nàng Đại sứ lơh gơs niam kơnòl broă he dê.