Củ tịc lơgar gờm chờ Đại sứ neh lơh jơh jak ngan tơngai lơh kơnòl broă tàm lơgar Việt Nam, pơgồp bơnah lơh jrô ơnàng tai gĭt gơ̆p lơh bơyô bal mờ lơh broă bal tơl làm đah lơgar Việt Nam mờ EU. Củ tịc lơgar pin dờn, tàm gơnoar broă pa, Đại sứ rơ̆p pơn jăt tai tă pơgồp tàm broă sơlơ tơnguh bơta gĭt gơ̆p niam bơnĕ đah lơgar Việt Nam mờ EU.

Củ tịc lơgar jờng rơ ngan Đại sứ EU tàm tơngai lơh kơnòl broă pa do neh geh uă tă pơgồp kwơmàng chồl tơnguh gĭt gơ̆p đah lơgar Việt Nam mờ EU; ngan là broă bàr gah kĭ hơ EVFTA mờ hòi jà ală lơgar tàm mpồl EU mhar kĭ ring bal EVIPA. Củ tịc lơgar ồng Võ Văn Thưởng chờ hờp pà gĭt, tàm ală dơ̆ tìp mờ kwang đơng lam bồ kâp dờng ală lơgar EU pa do, ală kwang bàng đơng lam bồ pà gĭt, ală mpồl lơh sa kă bro EU jờng rơ ngan tiah bơcri priă bơh lơgar Việt Nam dê mờ Việt Nam gam pơn jăt tai lơh ngan lơh niam wơl gah broă do.