Tàm dơ̆ wă rò, Củ tịc lơgar jờng rơ uă gơnoar broă mờ bơta tă pơgồp bơh Tổng Thư kĭ mờ Liên hợp quôk dê ai ring lơngai, kơ̆ kơl jăp, lơngăp lơngai dunia dê, mơkung đơs nền lơgar Việt Nam sùm rcang lài kờñ mờ jơh nùs tă pơgồp tàm ală bơta pơnđơl pràn lơh ngan bal hơ̆ dê.

Củ tịc lơgar đơs nền Việt Nam sùm sền Liên hợp quôk là mpồl lam lài tài ring lơngai, lơh broă bal, bơtàu tơnguh tàm dunia mờ gơ̆p bơyô pin dờn, jơh nùs, đềt mềr jŏ jòng bơh lơgar Việt Nam dê tàm tơl gùng lòt bơtàu tơnguh Dà lơgar. Củ tịc lơgar sồr Liên hợp quôk pơn jat tai dong kờl Việt Nam lơh ală jơnau hơ pơrgon dunia, tàm hơ̆ geh Broă lơh Pơrjum bal bơh bol he dê (OCA) kung bè tàm broă lơh jat ală jơnau kờñ bơtàu tơnguh Dà lơgar.