Tàm dơ̆ wă, 2 nă kwang đơng lam bồ tơngŏ bơta niam nùs tềng đap bơta bơtàu tơnguh pràn kơl dang bơh bơta gĭt gơ̆p 2 lơgar dê tơnơ̆ 50 nam lơh bơta gĭt gơ̆p cribơyai broă mờ lơgar ndai, cèng wơl bơta kwơ geh ngan ai làng bol 2 lơgar in mờ tă pơgồp uă ngan ai ring lơngai, kơ̆ kơljap bơh tàm tiah do mờ tàm dunia; ring bal sơlơ tơnguh rlau tai bơta pin dờn cíñ trị đah 2 lơgar, sền do là cơng tàng kwơ màng ai broă bơtàu tơnguh bơta gĭt gơ̆p đah 2 lơgar tus tàm gơnoar broă pa tàm tơngai tus.

Cribơyai bè ală broă tàm tiah do mờ tàm dunia, 2 gah ring bal pơn jat tai kờñ bal mờ gơ̆p mờ lơh broă bal niam tàm ală dơ̆ cribơyai tàm tiah do mờ tàm dunia, ngan là Liên hợp quôk, APEC, Asean mờ ală mpồl broă bơh Asean dê đơng pơlam. Thủ tướng lơgar Australia đơs nền nùs nhơm bơh lơgar Australia dê bè kờñ ngan sền dờng màng adat boh lam dunia tàm tiah do mờ bơsong tam pìt tam phà tàm dà lềng tiah đah mat tơngai lik mờ ală broă lơh ring lơngai, di pal mờ adat boh lam dunia, ngan là UNCLOS 1982.