Củ tịc lơgar ồng Võ Văn Thưởng đơs nền jơnau kờñ bơh dơ̆ lơh broă dê bal mờ broă tus bal Cribơyai kwang bàng kâp dờng lơh broă bal dunia “Gùng kềng mờ gùng” dơ̆ 3, gam nàng kờñ pơgồp bơnah pơn jat tai lam lơh jat ngan ngồn lơh broă bal đah 2 lơgar. Tàm dơ̆ tìp mat, bàr nă kwang đơng lam bồ đơs nền pơn jat tai sơlơ tơnguh tìp mat kwang bàng kâp dờng mờ ală kâp, tơnguh bơta niam, cồng nha lơh broă bal tàm ală gah broă, tơngume tờm là sơlơ tơnguh kă bro gơguh ring bal, kơ̆ kơljap. Củ tịc lơgar sồr lơgar Lo sơlơ tơnguh blơi phan bơna, ngan là phan bơh suơn sre Việt Nam dê; sơlơ tơnguh lơh broă bal bơcri priă, tàm tơrbŏ bal gùng lòt uă bơta. Củ tịc lơgar ồng Võ Văn Thưởng kung sồr 2 gah sơlơ tìp mat lơh kwèng làng bol mờ tơngume tờm là tìp mat lơh kwèng niam chài, lơh broă bal lòt nhơl, drơng jơnau kờñ tìp mat lơh kwèng, rài kis nùs nhơm bơh làng bol dê.