Mang ngai 02/11, tàm Hà Nội, Ƀan Tuyên giáo Dà lơgar mờ Anih sơñio rùp Việt Nam pơgồp bal bơyai lơh broă lơh tìp mat lơh kwèng cau gơguh jak gùt lơgar nam 2023 “Hồ Chí Minh- Gùng lòt kơ̆p kờñ nam 2023” mờ tơngume: "Bơta pin dờn mờ kơ̆p kờñ".Do là broă lơh pah nam nàng kờñ jờng rơ, pơn jờng ală mpồl cau, cau dùl nă să gơ guh jak pơn rơ ngan tàm broă bơsram sră mờ lơh jăt jơnau sồr bồ tơngoh, nùs nhơm, broă lơh mờ rài kis Hồ Chí Minh dê.

Mờ tơngume Pin dờn mờ kơ̆p kờñ, broă lơh Hồ Chí Minh- Gùng lòt kơ̆p kờñ nam 2023 đơs nền bơta pin dờn, sòl àng nùs nhơm bồ tơngoh, gùng lòt Kăc màng mờ Đảng, Wa Hồ mờ jơh gùt làng bol neh sac rơwah. Tàm broă lơh, Củ tịc lơgar ồng Võ Văn Thưởng mờ Kwang atbồ Ƀan Tuyên giáo Dà lơgar ồng Nguyễn Trọng Nghĩa neh pà bơkào mờ pà phan pơn yơu ai ală cau gơguh jak pơn rơ ngan tus bal tàm broă lơh in.