Củ tịc lơgar Võ Văn Thưởng tus bal mờ geh jơnau đơs đơng lam. Nam 2023 là nam geh uă gơtha kwơ màng, dùl nam duh hồl tàm broă lơh cribơyai tă pơgồp jơnau, drơng broă lơh bơh Củ tịc lơgar, Phó Củ tịc lơgar lam lơh ală kơnòl broă tàm lơgar mờ lơh broă mờ lơgar ndai kấp Dà lơgar dê. Kwang bàng, đảng viên, cau lơh broă Cơldŭ lơh broă Củ tịc lơgar neh bơsram lơh jat geh cồng nha nùs nhơm đơng lam mờ ală sră nggal bơto pơlam bơh kấp hơđang dê, sùm pơnđơl pràn lơh ngan, sơrlèt gan kal ke, yờ tơnguh uă kơnòl, gàr kràñ broă duh rơngòt kơrnoat boh lam, kơrnoat lơh glài, lơh sir jak ngan kơnòl broă lơh broă nam 2023.

Đơs tàm pơrjum, Củ tịc lơgar Võ Văn Thưởng sồr tàm nam 2024, Cơldŭ lơh broă Củ tịc lơgar lơh jat gùng dà broă lơh: Tam klăc, jơnau pal jat, rcang lài, bơnĕ bơnài niam, cồng nha lơh jat niam kơnòl broă Củ tịc lơgar mờ Phó Củ tịc lơgar gàr geh niam ngan rlau jơh rùp hin ala mat kơnhoàl ù tiah Dà lơgar dê.