Củ tịc lơgar mờ mpồl kwang bàng lơh broă neh chu ñàng, pơdơng bơkào kah kơlôi tus Củ tịc Hồ Chí Minh, kwang đơng lam jăk chài ngan Đảng mờ làng bol he dê, Cau khin cha jăk chài tơnklàs jơi bơtiàn, Cau geh pơnrơ jăk niam chài ngan.

Git ưn ngài, git jơnau uă ngan mờ pơnyờ să bè Wa Hồ, Củ tịc lơgar bal mờ mpồl kwang bàng lơh broă dan sùm bơsram mờ lơh jăt bồ tơngoh, nùs nhơm niam, broă lơh niam bơnĕ bơh Wa Hồ dê. Tiah lời wơl Dà lơgar kwơ màng Kim Liên, do là dùl tàm ală tiah lời wơl geh pơnrơ ngan bè rài kis bal mờ broă lơh bơh Củ tịc Hồ Chí Minh dê, geh tàm ù tiah 2 xã Kim Liên mờ Nam Giang, geh mpồl Tiah lời wơl ƀòn Hoàng Trù; mpồl Tiah lời wơl Làng Sen. Do là tiah prăp gàr ală phan lời wơl, phan ngui gơrềng tus mờ ƀòn lơgar, hìu nhă, rài kơnòm să mờ bàr dơ̆ Wa Hồ rê còp.