Ồng Phạm Văn Tịch deh nam 1952 tàm càr Quảng Nam, tàm 1 hìu nhă bơgoh mờ dà lơgar. Bơh dềt ồng neh gờñ geh rơcang lài mờ tus bal ală broă dong kờl cau ling. Nam 1967, tàm dùl dơ̆ cuh ƀồm, ồng gơtìp sồt să jroă mờ pal òt jơh bàr đah jơng, tơnơ̆ mờ hơ̆ bơtoah ngan geh dùl mpồl ƀák sĩ cèng ồng tus lơgar Mỹ nàng sơm sồt.

Là cau geh nùs nhơm pràn kơl dang, ồng neh bơsram, geh khà bơsram sră mờ gơs cau jăk chài tàm gah khoa họk măi tíñ tàm hìu bơsram Berkeley, ƀang California. Củ tịc lơgar kơ̆p kờñ là ală rơnàng cau lơgar Việt Nam kis tàm lơgar Mỹ pơn jăt tai ngui nùs nhơm kờñ gơboh mờ dà lơgar, rơcang lài jơnau yal tơngit nàng mpồl bơtiàn cau lơgar Việt Nam he kis tàm lơgar Mỹ, wă loh làng rơlao bè bơta tàm lơgar mờ gùng dà broă tam klăc bal gùt jơi bơtiàn bơh Đảng mờ Dà lơgar he dê. Củ tịc lơgar kơ̆p kờñ mpồl bơtiàn cau lơgar Việt Nam kis tàm lơgar Mỹ tam klăc sùm, lơh jăt adăt boh lam mờ pơn jăt tai pơgồp bal niam tàm broă bơtàu tơnguh lơgar Mỹ, git gơ̆p bal đah bàr lơgar, kung bè broă sền gàr, bơ̆t bơtàu mờ bơtàu tơnguh dà lơgar tờm Việt Nam dê.