Đơs nền jơnau kah yau pal chờ hờp ngan bơh Mpồl ling Đặc công dê tơnơ̆ 56 nam bơt bơtàu, tam lơh mờ dờng pràn, Củ tịc lơgar đơs sùm, gĭt nđờ rơnàng kwang bàng, cau ling Đặc công neh lơh geh ală cồng nha kwơ màng jak ngan, bal mờ jơh gùt lơgar lơh sir broă lơh tam lơh dong klàs jơi bơtiàn, tơrgùm dùl Dà lơgar.

Tàm tơngai tŭ do, Ƀiñ chủng neh lơh niam ngan broă lơh cribơyai tă pơgồp jơnau đơs, dan mờ Quân ủy Dà lơgar, Ƀộ Quôk phòng bơt bơtàu mờ bơtàu tơnguh ală mpồl ling Đặc công jat gùng dà niam, pràn; lơh jat niam gơnoar broă ătbồ kơnòl broă  đặc công- mpồl ling lam lài rcang sơndră bol sò tơm iơh bơsak gùt mpồl ling dê. Củ tịc lơgar sồr pal bơt bơtàu mpồl ling Đặc công Việt Nam ngăc ngar ngan bè cíñ trị; geh nùs nhơm khin cha cíñ trị kơ̆ kơl jăp uă ngan, geh bồ tơngoh kơ̆p kờñ uă ngan; là mpồl ling tam lơh geh pin dờn uă ngan, jơh nùs jơh tồr dòn song mờ Đảng, mờ Dà lơgar mờ Làng bol.