Đơs tàm dơ̆ cribơyai, Củ tịc lơgar Võ Văn Thưởng jờng rơ Mpồl duh broă lơh broă mờ lơgar ndai bơh lơgar Mỹ dê geh ală broă lơh lơh broă bal tàm uă nam do mờ Việt Nam, pơgồp bơnah uă ngan tàm broă sơlơ tơnguh tai bơta git wă bal mờ gơp đah 2 jơi bơtiàn mờ bơtàu tơnguh bơta git gơp đah 2 lơgar. 

Củ tịc lơgar kơp kờñ pơn jat tai dờp geh bơta tò dong kuơmàng ngan bơh ală mpồl lơh broă bal lơgar Mỹ dê gơ wèt mờ broă bơtàu tơnguh mờ mut gơ rờm bal dunia bơh Việt Nam dê. Bè bơta git gơp đah Việt Nam mờ Mỹ, Củ tịc lơgar đơs wơl ală bơta tam gơl tàm bơta git gơp đah 2 lơgar tus tŭ bè ờs wơl bơta git gơp tàm nam 1995, ngan là tơnơ̆ tŭ lơh bơta git gơp lơh broă bal tơl làm tàm nam 2013, bơta git gơp đah 2 lơgar neh bơtàu tơnguh pràn kơldang, niam ngan, ngan ngồn, geh cồng nha mờ sơrlèt rlau mờ bơta kơp gơn bơh uă cau dê.