Tàm dơ̆  pơrjum, 2 gah chờ hờp bal ală cồng nha dờng màng tơl Đảng, tơl lơgar lơh geh tàm tŭ tơngai bơt bơtàu củ nghĩa xã hội, cèng wơl rài kis hờm ram, chờ hờp chờ hờñ ai làng bol in. Củ tịc lơgar Võ Văn Thưởng đơs sùm bơtàu tơnguh bơta gĭt gơ̆p mờ lơgar Lo sùm là broă lơh kwơ màng, lam lơh lài ngan tàm broă lơh lơh broă mờ lơgar ndai bơh lơgar Việt Nam dê.

Tổng Bí thư, Củ tịc lơgar Lo Tập Cận Bình đơs nền lơgar Lo sùm sền lơgar Việt Nam geh gơnoar broă kwơ màng, là gùng dà broă lơh lài ngan tàm broă lơh cribơyai broă mờ lơgar ndai lơgar rềp bal bơh lơgar Lo dê. Đơs sùm bơta kwơ màng bơh broă sơlơ tơnguh bơta gĭt wă, pin dờn bal đah làng bol 2 lơgar dê, bàr nă kwang đơng lam bồ sồr 2 gah sơlơ tơnguh tai tìp mat lơh kwèng, tìp mat lơh kwèng bal đah làng bol 2 lơgar dê, ngan là rơnàng kơnòm să, sơlơ tơnguh tai broă mblàng yal bè bơhiàn lơh bơyô bal niam bơnĕ ngan đah 2 gah dê. Dùl ngai bal, Thủ tướng Cíñ phủ Phạm Minh Chính, Củ tịc Quôk hội Vương Đình Huệ kung neh pơrjum mờ Tổng Ƀí thư, Củ tịc lơgar Lo Tập Cận Bình.