Tàm ală broă lơh bơh Poh kwang bàng kâp dờng APEC nam 2023 dê, Củ tịc lơgar Võ Văn Thưởng rơp bal mờ ală kwang đơng lam bồ ală rài lơh sa APEC cribơyai ală broă geh gơtha tờm ngan gơ wèt mờ rài lơh sa dunia mờ tiah do; ai tơlik lài ală gùng dà lơh broă bal bè kă bro, bơcri priă, khoa họk kông nghệ, tam gơl pa, bơceh lơh mờ uă gah broă ndai. 

Việt Nam rơp bal mờ ală lơgar geh jơng sơlơ tơnguh tai nùs nhơm tìp mat tơm boh bơr, bơt bơtàu, geh kơnòl, tơnguh rài lơh broă uă lơgar, bal mờ gơp lơh broă bal, bal mờ gơp lơh broă tài bơta bơtàu tơnguh kơ̆ kơljap mờ pas sơm bơht iah do dê. Củ tịc lơgar Võ Văn Thưởng kung rơp tus bal mờ đơs lam lài tàm Pơrjum kwang bàng kâp dờng mpồl lơh sa kă bro, tus bal ală dơ̆ tìp mat tơm boh bơr đah ală Kwang đơng lam bồ ală rài lơh sa APEC mờ lơgar lơh broă bal, nac jà; tus bal pơrjum kwang bàng kâp dờng lơh sa Ấn Độ Dương, Thái Bình Dương.