Đơs tàm dơ̆ tìp cau tĕ khà, Củ tịc lơgar Võ Văn Thưởng yal mờ cau tĕ khà bè bơta tàm lơgar nam 2023, nam geh sền là nam nggùl tơngai lơh jăt Nghị quyết Pơrjum dờng dơ̆ XIII bơh Đảng dê kung bè nam lài ngan lơh jăt kơnòl bơtàu tơnguh lơh sa mpồl bơtiàn 5 nam.

Bŭ lah bơta tàm tiah do mờ dunia gơtìp kal ke ờ gơtùi git lài, geh bơta gơtìp gơkòl broă jun pơndiang phan kă bro, mơya mờ broă lơh ngan bơh gùt Đảng, gùt làng bol, gùt ling klàng dê, dà lơgar neh lơh geh uă cồng nha kwơ màng, là bơta tơngŏ geh niam ngan. Bè ờ uă tơngu me ndai cau tĕ khà sền gròi, Củ tịc lơgar pà git, Ƀòn dờng Đà Nẵng neh lơh ngan bơsong ală jơnau dan bơh cau tĕ khà tàm tơngai do dê. Mơya geh ờ uă broă ờ mìng geh ƀòn dờng do bơsong mờ pal geh broă pơgồp bal mờ ală anih lơh broă Dà lơgar kung bè lơh gơs kơrnoăt broă dong kờl.