Dơ̆ tìp mat geh bơyai lơh wèt tus tơngkah kir sơnrai 20 nam ngai crơng gơs ƀòn dờng Cần Thơ gơ wèt dà lơgar (01/01//2004 - 01/01/2024). Ală cau dùl nă să geh pơn rơ gơguh jak geh jờng rơ dơ̆ do là ală cau geh pơn rơ gơguh jak, jak chài ngan geh rơ wah bơh kâp hơ đơm tus ƀòn dờng, ala mat ai jơh ală gah broă mờ ală mpồl cau tàm mpồl bơtiàn; geh uă tă pơgồp tàm broă lơh bơtàu tơnguh lơh sa- mpồl bơtiàn ƀòn dờng Cần Thơ bơh ală tŭ tơngai. 

Củ tịc lơgar Võ Văn Thưởng tơngkah, tàm tŭ tơngai bơtàu tơnguh, Cần Thơ pal sùm sền làng bol là tờm. Đảng ƀộ, gơnoar atbồ ală kâp pal ngan ngồn đềt mềr, bơsong tơl bơta kal ke, kòl yan, tơl bơta ờ suk ai làng bol in. Tài “Jơnau kờñ bơh bơta bơtàu tơnguh dê là pal cèng tus bơta chờ hờp ai làng bol in”. Bal mờ hơ̆ là sơlơ tơnguh rlau tai ală srơh tàm pơrlòng kờñ gơboh dà lơgar, nàng bơh hơ̆ lơh gơlik uă rlau tai ală cau geh pơn rơ gơguh jak tus bal ngai sơlơ jơh nùs, tă pơgồp uă rlau tai mờ kuơmàng rlau tai ai bơta bơtàu tơnguh bơh ƀòn dờng dê in tàm tơngai tus.