Tàm nùs nhơm đềt mềr, bàr gah neh jờng rơ mờ ai lơh chờ hờp ngan bè bơta bơtàu tơnguh niam bơnĕ, tơl làm bơh bơta git gơp đah Việt Nam mờ Nhờk dê mờ nùs nhơm ngai sơlơ đềt mềr bơh làng bol 2 lơgar dê. Củ tịc lơgar đơs nền ală dơ̆ lòt còp lơgar Việt Nam kah yau bơh Bèp Bơtau mờ Mè bơtau dê tàm nam 2017 tàm gơnoar broă Bơtau mờ Pơ ùr bơtau lơgar Nhờk mờ dơ̆ lòt còp ngan ngồn lơgar Việt Nam bơh Bơtau Nhờk dê nam 2009 tàm gơnoar broă là Kòn klau bơtau, kung bè dơ̆ lòt còp nhai 9 pa do bơh Kòn klau bơtau Akishino mờ Pơ ùr kòn klau bơtau dê neh lời wơl jơnau kah kir niam bơnĕ tàm nùs nhơm kwang đơng lam bồ mờ làng bol Việt Nam, pơgồp bơnah lơh niam rlau tai bơta pin dờn, git wă bal mờ gơp đah làng bol bàr lơgar mờ ai bơta git gơp Việt Nam – Nhờk gơguh tus lơgar lơh broă bal jŏ jòng tơl làm tài ring lơngai mờ bơtàu tơnguh tàm câu Á mờ tàm dunia.

Mho dùl ngai bal, tàm Gơlang Bơtau, Bơtau mờ Pơ ùr bơtau dê neh đơng lam dơ̆ yờ sa đềt mềr Củ tịc lơgar Võ Văn Thưởng mờ Pơ ùr.