Tàm dơ̆ lòt còp, Thủ tướng lơgar Nhờk Fumio Kishida mờ Pơ ùr đơng lam dơ̆ wă rò mờ yờ sào yŭ rơyùm Củ tịc lơgar Võ Văn Thưởng mờ Pơ ùr. Bàr nă kwang đơng lam kung neh lam bồ Mpồl kwang bàng kấp dờng 2 lơgar tìp mat cribơyai, sền sơ wì ală cồng nha neh lơh geh tàm 50 nam lơh bơta gĭt gơ̆p cribơyai broă mờ lơgar ndai mờ ai tơlik ală broă lơh lơh broă bal pràn kơl dang rlau tai tàm tơngai tus.Tàm dơ̆ tìp mat cribơyai, 2 nă kwang đơng lam bồ kung geh Jơnau yal bơr bal bè broă tơnguh gơnoar broă bơta gĭt gơ̆p đah lơgar Việt Nam mờ Nhờk tus lơgar lơh broă bal kwơ màng tơl làm tài ring lơngai mờ bơtàu tơnguh tai tàm câu Á mờ tàm dunia; sền bal broă kĭ ală sră nggal lơh broă bal đah Ƀộ, ngàñ 2 lơgar dê.

Củ tịc lơgar neh geh ală dơ̆ tìp mat Củ tịc Thượng viện, Củ tịc Hạ viện lơgar Nhờk. Ngan là, Củ tịc lơgar neh tus còp mờ geh jơnau đơs gùng dà broă lơh tàm Quôk hội lơgar Nhờk dê, anih lơh broă crơng gơs adat boh lam geh kah yau jŏ rài ngan rlau jơh tàm câu Á dê...