Tàm dơ̆ bơyai lơh dơ̆ tơngkah kir sơnrai, ala mat kwang đơng lam bồ Đảng, Dà lơgar, Củ tịc lơgar Võ Văn Thưởng jàu Gai lòng Lơh broă khà 1 pà ai Đảng ƀộ, gơnoar atbồ, làng bol càr Hậu Giang.

Đơs tàm dơ̆ bơyai lơh, Củ tịc lơgar đơs sùm, càr Hậu Giang geh gơnoar broă là tiah tờm bơh kơnhoàl ù tiah đah mat tơngai mut dà dờng Hậu dê; là pôs đồng kăc màng tàm 2 dơ̆ tam lơh. Tàm sùm ală rài kah yau bơh jơi bơtiàn, làng bol càr Hậu Giang neh bơt bơtàu geh bơhiàn tam klăc bal, jơh nùs dòn song, pơn rơ, khin cha jak chài. Nàng lơh geh ngan ngồn jơnau kờñ càr Hậu Giang gơ gơs càr bơtàu tơnguh tàm tiah do mờ jơh gùt lơgar, bal mờ broă lơh jat niam gùng dà broă lơh Dà lơgar mờ Nghị quyết pơrjum dờng Đảng ƀộ càr dơ̆ XIV dê, Củ tịc lơgar sồr Đảng ƀộ mờ làng bol càr Hậu Giang pal gĭt wă loh làng làm uă gơnoar  broă, broă lơh, bơta ƀuơn, bơta pràn, bơta kal ke, bơta lòng bơh càr dê mờ ală jơnau bơsram mờng chài kwơ màng tàm 20 nam do.