Tàm 25 nam tus bal APEC, Việt Nam neh tă pơgồp jơh nùs ngan, rcang lài pơgồp bal mờ Cribơyai APEC, đơs uă jơnau bơceh lơh, rơndăp broă lơh lơh broă bal geh ală lơgar tàm mpồl jờng rơ uă ngan; pơgồp bơnah chồl tơnguh ring lơngai, kơ̆ kơl jăp, lơh broă bal, lơh bal lơh sa tàm tiah do, gàr niam gơnoar broă bơh APEC dê là gùng dà broă lơh lơh bal lơh sa lam lài tàm câu Á- Thái Bình Dương.

Mờ gơtha kwơ màng ngan bơh Pơrjum dê ală kwang đơng lam bồ lơh sa APEC nam do mờ tàm tơngai bơta gĭt gơ̆p đah Việt Nam mờ Mỹ pơn jat tai bơtàu tơnguh pràn kơl dang tàm tơngai pa do, dơ̆ lòt lơh broă tus bal Pơrjum kwang bàng kấp dờng APEC mờ ală broă lơh tàm lơgar Mỹ bơh Củ tịc lơgar Võ Văn Thưởng dê geh gơtha kwơ màng ngan rlau jơh, jơh bal tàm ală broă lơh uă lơgar mờ 2 lơgar, pơgồp bơnah pơn jat tai gàr niam mờ bơt bơtàu ală broă lơh broă mờ lơgar ndai ring lơngai, kơ̆ kơl jăp, ƀuơn ƀoài ai bơta bơtàu tơnguh bơh Dà lơgar dê.