Pơrjum geh bơyai lơh pờ tơlik tơn tàm internet, anih tàm tơrbŏ bal tờm tàm ƀòn dờng Đà Nẵng mờ mờr 800 anih tàm tơrbŏ bal tàm ală tiah. Đơs tàm dơ̆ pơrjum, jờng rơ uă ngan Anih cah rơña làng bol dờng ngan rlau jơh dà lơgar mờ gah broă Anih cah rơña neh pơn đơl pràn lơh ngan lơh niam ngan kơnòl broă geh jàu, Củ tịc lơgar sồr, gah lơh broă lơh pràn broă yal loh làng ờ ndơ̆p mpồn ală broă dơ̆ cah rơña, jơnau lơh nền bơh anih cah rơña dê nàng lơh cơng tàng nàng làng bol mờ ală anih lơh broă geh gơrềng in jat sền broă lơh bơh Anih cah rơña dê, sơlơ tơnguh tai bơta pin dờn bơh làng bol dê tàm jơnau song adat boh lam mờ ring bal mpồl bơtiàn.

Nam 2023, bơta niam, cồng nha lơh broă cah rơña bơh ală anih cah rơña dê geh bơtàu tơnguh, sền gàr niam rlau tai gơnoar, bơta kwơ dipal mờ adat boh lam bơh Dà lơgar, mpồl cau mờ làng bol dê, pơgồp bơnah gàr niam bơta kơ̆ kơl jăp cíñ trị, rơndăp tăp sèng, lơngăp lơngai mpồl bơtiàn, tă pơgồp uă ngan tàm broă lơh bơt bơtàu mờ sền gàr Dà lơgar.