Đơs tàm dơ̆ lơh broă, Củ tịc lơgar Võ Văn Thưởng đơs niam ală cồng nha bal mờ broă bơtàu tơnguh bè ală bơta bơh Lữ đoàn dê tàm ală nam pa do, kwơ màng là broă tàp ling, tŭ lơi kung rơcang tam lơh, di pal là dùl tàm ală mpồl ling lơh broă rơcang lài tàm mpồl tam lơh bơh broă lơh jòi sền jơnau ndơ̆p ndơr sền gàr dà lơgar dê.

Củ tịc lơgar pin dờn, kwang bàng, cau lơh broă, cau ling Lữ đoàn geh pơn jăt tai pơgồp bal mờ gùt gah lơh broă jòi sền jơnau ndơ̆p ndơr sền gàr dà lơgar drơng tờm, lơh geh cồng nha rơlao tai ai broă bơ̆t bơtàu mờ sền gàr Dà lơgar tàm bơta pa; pơn jăt tai di pal là mpồl ling pin dờn ngan, dờn song ngan bơh Đảng, Dà lơgar, Ling klàng bal mờ làng bol dê. Di tàm dơ̆ do, Củ tịc lơgar Võ Văn Thưởng chờ gờm kwang bàng, cau ling tàm Lữ đoàn Triñ sát đặc ñiệm K3 pràn kơl dang, gơboh gơbài; mờ tơlik nùs nhơm pin dờn Lữ đoàn Triñ sát đặc ñiệm K3 đơs is, Tổng kụk II đơs bal sùm lơh gơs jăk chài kơnòl broă geh jào, di pal ngan mờ nùs nhơm pin dờn bơh kwang đơng lam Đảng, Dà lơgar mờ làng bol dê.