Tus bal broă lơh kwơ màng do geh Kòn klao Bơtau lơgar Nhờk Akishino mờ Pơ ùr, Củ tịc Hạ viện lơgar Nhờk Nukaga Fukushiro bal mờ ala măt Kwang đơng lam bồ ală ƀộ, gah lơh broă dà lơgar, ală càr, ƀòn dờng, mpồl lơh broă lơh bơyô bal đah bàr lơgar bal mờ ală cau bơyô lơgar Nhờk đềt mềr mờ lơgar Việt Nam.

Tàm pơrjum tơnkah, Củ tịc lơgar Võ Văn Thưởng mờ Pơ ùr bal mờ Kòn klao Bơtau lơgar Nhờk Akishino mờ Pơ ùr. Củ tịc Hạ viện lơgar Nhờk Nukaga Fukushiro mờ ală cau năc jà neh sền dơ̆ teh kơlñi jơnau đơs crih Git gơ̆p lơh bơyô bal đah lơgar Việt Nam mờ lơgar Nhờk. Broă lơh do geh Ƀộ Văn hoá, Thể thao mờ Zu lịc pơgồp bal mờ Đại sứ quán lơgar Việt Nam tàm lơgar Nhờk bơyai lơh. Di tàm dơ̆ do, Củ tịc lơgar Võ Văn Thưởng kung tus sền dơ̆ ràng tơlik rùp tơnkah 50 nam lơh bơta git gơ̆p cri bơyai broă mờ lơgar ndai đah lơgar Việt Nam mờ lơgar Nhờk ràng tơlik ală bơta niam rài lài do tàm bơta git gơ̆p cri bơyai broă mờ lơgar ndai đah lơgar Việt Nam mờ lơgar Nhờk dê.