Đơs tàm dơ̆ wă, Củ tịc lơgar Võ Văn Thưởng chờ gờm ồng Lý Thư Lỗi neh lam bồ Mpồl Kwang bàng ala măt Đảng Kộng sản lơgar Lo tus còp lơgar Việt Nam mờ đơng lam bal Pơrjum cri bơyai dơ̆ 18 đah bàr Đảng dê.

Kwang atbồ Mpồl mblàng yal Đảng Kộng sản lơgar Lo Lý Thư Lỗi đơs niam ală jơnau đơs bơh Củ tịc lơgar Võ Văn Thưởng dê bè broă lơh pràn bơta git gơ̆p lơh broă bal đah bàr Đảng, bàr dà lơgar kung bè ai geh bè broă tơnguh uă cồng nha pơgồp bal đah Ƀan Tuyên giáo Đảng Kộng sản lơgar Việt Nam mờ Mpồl mblàng yal Đảng Kộng sản lơgar Lo dê. Bàr gah geh lơh pràn rơlao tai broă pơgồp bal, cri bơyai bal broă mờng chài tàm broă lơh nùs nhơm kơlôi sơnơng niam chài, tơnguh broă mblàng yal niam bè bơhiàn lơh bơyô mờ ală cồng nha niam bơnĕ tàm bơta git gơ̆p lơh broă bal đah bàr lơgar dê, pơgồp bal tàm broă pơn jăt tai lơh pràn bơta git gơ̆p lơh bơyô bal ờs mờng đah lơgar Việt Nam mờ lơgar Lo dê.