Chờ hờp tìp măt Giáo sư Ochi mờ ală kwang bàng tàm mpồl, Củ tịc lơgar đơs tờm, ală cồng nha lơh broă bal đah bàr lơgar Việt Nam mờ Nhờk tơngai do geh broă pơgồp bal dờng màng ngan bơh làng bol bàr lơgar dê, tàm hơ̆ geh Mpồl tam klăc cau jăk chài lơgar Nhờk mờ lơgar Việt Nam, tàm hơ̆ uă ngan là tàm gah khoa họk kông nghệ, bơto bơtê mờ bơsram.

Mờ broă bàr lơgar tơnguh kấp tus Tam klăc bal jŏ jòng tơl ală bơta, do là dơ̆ niam nàng Mpồl tam klăc pơn jăt tai lơh pràn ală broă lơh bal mờ lơgar Việt Nam. Ring bal mờ Giáo sư Ochi đơs bè broă Mpồl tam klăc kơ̆p kờñ lơh broă bal mờ lơgar Việt Nam tàm ală gah broă, Củ tịc lơgar pà git, do ndrờm là ală gah broă mờ lơgar Việt Nam kờñ geh uă ngan, mờ hòi jà Mpồl tam klăc lơh pràn ală broă lơh bal mùl màl tàm tơngai tus.