Tàm dơ̆ wă, Củ tịc lơgar Võ Văn Thuởng đơs bơta git gơp lơh broă bal, lơh bơyô bal đah Việt Nam mờ Nhờk bơtàu tơnguh pràn kơldang, jrô ơnàng mờ ngan ngồn tàm jơh ală gah broă, lơh broă bal bơtàu tơnguh li la bơta mờ 100 yô bơta git gơp kâp hơ đơm neh geh lơh. Củ tịc lơgar Võ Văn Thưởng jờng rơ bơta lơh ngan bơh Kwang atbồ càr Fukuoka mờ Kwang đơng lam bồ ală càr tiah Kyushu tàm broă sơlơ tơnguh lơh broă bal tàm uă gah broă mờ Việt Nam. Củ tịc lơgar sồr Kwang atbồ càr Fukuoka mờ Kwang đơng lam bồ ală càr tiah Kyushu lơh ngan lơh jat ngan ngồn tơngume bơta git gơp pa bơh broă sơlơ tơnguh ală yô lơh broă bal kâp càr đah tiah Kyushu mờ ală càr bơh lơgar Việt Nam dê, kuơmàng là tàm gah broă mờ càr geh bơta pràn bè lơh gơlik, mòn phan, ngui lơh sa suơn sre ngac ngar, lơh niam dà ƀơ̆ tuh tơlik.