Tàm dơ̆ wă rò, Củ tịc lơgar Võ Văn Thưởng đơs sùm, Việt Nam sùm sền dờng màng bơta gĭt gơ̆p bơh yau lơh bơyô bal, Lơh broă bal jŏ jòng tơl làm đah lơgar Việt Nam mờ Nga, pin dờn dơ̆ lòt còp bơh Kwang atbồ càr Kaluga dê pơgồp bơnah chồl tơnguh lơh broă bal 2 lơgar ngai sơlơ niam, geh cồng nha rlau tai.

Củ tịc lơgar Võ Văn Thưởng ring bal mờ Kwang atbồ càr Kaluga bè bơta ƀuơn, bơta pràn lơh broă bal 2 gah gam uă ngan, ngan là tàm gah kă bro mờ bơcri priă. Mờ bơta gĭt gơ̆p lơh oh mi bal đah càr Kaluga mờ càr Bình Thuận, Củ tịc lơgar kơ̆p kờñ 2 càr geh uă broă lơh chồl tơnguh lơh broă bal bè lòt nhơl, ngan là tŭ càr Bình Thuận geh ù tiah niam, gah dà lềng niam mờ uă tiah tus geh dà lềng mờ dà đơs lơgar Nga dê.