Đơs tàm dơ̆ wă rò, Củ tịc lơgar pà git: tàm sùm uă nam do, Việt Nam neh sùm lơh ngan, tam klac bal tàm nùs nhơm lơh bơyô bal mờ nùs nhơm kờñ gơboh dờng ơnàng ngan, bal mờ ală mpồl cau, mpồl lơh broă bal, bơyô dunia lơh broă tơrmù ƀà bơta jê sồt bơh kòn bơnus dê, dong kờl mờ sền gàr ală cau ƀuơn gơtìp aniai tàm tơl broă gơlik geh. Đòm jat, lơh gơ rề uă bơhiàn tàm kờñ gơboh bal kòn bơnus niam bơnĕ bơh Jơi bơtiàn dê, Đảng, Dà lơgar Việt Nam sùm sền gròi gơ wèt mờ ală broă lơh dong kờl kòn bơnus bơh dà lơgar he dê mờ bơh dunia dê. Củ tịc lơgar kơp kờñ, tơngai tus, Hiệp hội Cữ thập đỏ mờ Àng kơnhai sề mơ̆ pơrhê dunia, Ủy ƀan Cữ thập đỏ dunia mờ ală mpồl lơh broă bal tàm Srơh dong kờl kòn bơnus pơn jat tai lời ai Việt Nam in bơta sền gròi, dong kờl jơh nùs, ai ală bơta git gơp lơh broă bal bơh Mpồl Cữ thập đỏ Việt Nam dê bơtàu tơnguh tàm jơh ală bơta, lơh gơs ală mpồl lơh broă bal jŏ jòng nàng Việt Nam gơtùi tă pơgồp uă rlau tai ai ală broă lơh dong kờl kòn bơnus bơh dunia dê in.