Tàm dơ̆ wă rò, Củ tịc lơgar jờng rơ uă ngan cồng nha pơrjum geh mut lơh ngan ngồn, geh cồng nha đah Phó Củ tịc lơgar Võ Thị Ánh Xuân mờ Phó Kwang atbồ lơgar Nam Phi Paul Mashatile. Củ tịc lơgar đơs sùm lơgar Việt Nam sền dờng màng bơta gĭt gơ̆p lơh broă bal tài lơh broă bal mờ bơtàu tơnguh mờ lơgar Nam Phi, kơ̆p kờñ 2 gah pơn jat tai lơh pràn lơh broă bal, lơh jrô ơnàng làm uă rlau tai bơta gĭt gơ̆p tàm ală gah broă tàm tơngai tus.

Tơnngŏ bơta chờ hờp dơ̆ sơnrờp tus lơgar Việt Nam mờ câu Á, Phó Kwang atbồ lơgar Nam Phi, Dà lơgar mờ Cíñ phủ lơgar Nam Phi sền dờng màng mờ kơ̆p kờñ chồl tơnguh bơta gĭt gơ̆p lơh broă bal uă bơta mờ lơgar Việt Nam. Tàm dơ̆ wă rò, 2 gah ring bal sơlơ tơnguh tìp mat, tàm pơ gơl mpồl kwang bàng, ngan là kwang bàng kấp dờng nàng lơh niam rlau tai bơta pin dờn Cíñ trị, dong kờl bal mờ gơ̆p tàm ală dơ̆ cribơyai uă lơgar, ngan là tàm Liên hợp quôk; lơh pràn lơh broă bal lơh sa, kă bro, bơcri priă, bơto bơtê mờ ală gah pa bè tam gơl sồ, lơh sa tơlir, drơng broă ngan ngồn bơtàu tơnguh lơh sa- mpồl bơtiàn tơl lơgar dê.