Củ tịc lơgar Võ Văn Thưởng jờng rơ ngan cồng nha pơrjum lơh geh cồng nha ngan đah bàr Ƀộ trưởng Ƀộ Quôk phòng bàr lơgar dê; mơkung đơs nền: Đảng, Dà lơgar Việt Nam sùm hòi jà, tò dong, dong kờl, ai tơl bơta nàng lơh broă bal đah bàr mpồl ling, bàr Ƀộ Quôk phòng lơgar Việt Nam mờ Campuchia ngai sơlơ ngan ngồn mờ geh cồng nha.

Tàm tŭ bơta tàm tiah do mờ tàm dunia geh uă bơta gơbàn kal ke, ờ gơtùi gĭt lài, Củ tịc lơgar Võ Văn Thưởng kơ̆p kờñ 2 Ƀộ Quôk phòng sơlơ pơgồp bal tai tàm yal tơngĭt bal jơnau sền gàr dà lơgar, tàm yal tơngĭt bal ală broă tàm tiah do mờ tàm dunia nàng lơh broă bal ngai sơlơ niam rlau. Bàr gah kờñ pal pơn jăt tai pơgồp bal niam, lơh jăt ală jơnau ring bal lơh broă bal neh geh, pơn jăt tai sền gròi lơh broă bal tàm bơto bơtê, bơto pơlam, tề lam ling geh griăt, ngan là ling geh griăt kơnòm să.