Củ tịc lơgar Võ Văn Thưởng đơs là dơ̆ lòt còp mờ lơh broă geh gơtha ngan gơwèt mờ bàr Đảng, bàr Dà lơgar. Củ tịc lơgar pin dờn mờ đơs là, Cribơyai mờ tơngume: Bơtàu tơnguh niam chài, kòn bơnus tàm ală broă lơh bơtàu tơnguh dà lơgar jăt pơlam gùng xã hội củ nghĩa- Mờng chài lơgar Việt Nam dê, mờng chài lơgar Lào dê...rơ̆p lơh geh cồng nha niam bơnĕ, pơgồp bơnah lơh jrô ơnàng gĭt gơ̆p bàr Đảng, bàr Dà lơgar.

Củ tịc lơgar đơs sùm, tàm bơta bơtàu tơnguh bơh lơgar Việt Nam dê uă nam do sùm geh bơta sền gròi, tam pà bal, tò dong bal mờ Đảng, Dà lơgar mờ làng bol lơgar Lào oh mi dê. Tàm ală tŭ đơng lam, sồr lơh bơh he dê, bàr Đảng neh tam pà bal ală mờng chài mờ cồng nha lơh geh. Lơh broă bal đah Mpồl dong broă Dong broă Đảng bàr gah ngai sơlơ geh cồng nha.