Củ tịc lơgar Võ Văn Thưởng jờng rơ mờ tơlik nùs nhơm chờ hờp tìp wơl Thủ tướng Hun Manet tàm dơ̆ lòt còp ngan ngồn lơgar Việt Nam; đơs nền lơgar Việt Nam sùm sền dờng màng mờ kơ̆p kờñ sùm lơh kơ̆ kơl jăp gĭt gơ̆p lơh bơyô bal mờ lơh broă bal tơl làm mờ lơgar Campuchia.

Bàr nă kwang đơng lam bồ dùl nùs ring bal lơh pràn rlau tai lơh broă bal cíñ trị, sền gàr dà lơgar- lơngăp lơngai, lơh sa- kă bro, jak chài- măy mok, lơh broă sa sươn sre, lòt nhơl, tìp măt lơh kwèng bal đah làng bol 2 lơgar; pơn jăt tai sơlơ lơh broă bal bơto bơtê mờ tơnguh uă bơta jak mpồl cau lơh broă; pơgồp bal sơlơ tơnguh tai broă lơh mblàng yal, bơto bơtê ală rơnàng làng bol bàr lơgar, kwơmàng là rơnàng kơnòm să bè bơhiàn kah yau đềt mềr mờ ală cồng nha lơh geh bơh gĭt gơ̆p lơh bơyô bal mờ lơh broă bal tơl làm đah Việt Nam mờ Campuchia.