Dơ̆ lòt còp ngan ngồn lơgar Việt Nam dơ̆ do bơh Củ tịc Mpồl duh broă Dà lơgar Thụy Sỹ dê tơngŏ bơta sền dờng màng bơh lơgar Thụy Sỹ dê gơwèt mờ lơgar Việt Nam. Thụy Sỹ kơ̆p kờñ sơlơ tơnguh bơta gĭt gơ̆p lơh broă bal đah bàr lơgar, ngan là tàm gah broă lơh sa, kă bro, mờ lơh ngan wèt tus kĭ hơ Hiệp địñ Kă bro khăt gơboh is đah lơgar Việt Nam mờ Mpồl kă bro khăt gơboh is câu Âu hòi lơyah là EFTA. Do kung là broă lơh lơh broă mờ lơgar ndai nghị viện kwơmàng lơh wơl tàm pơgơl mpồl kwang bàng lòt còp bal mờ gơ̆p đah 2 lơgar tơnơ̆ tơngai gơbàn kòp dờng Kovid- 19.

Tàm dơ̆ lòt còp, tơnơ̆ dơ̆ bơyai lơh wă rò, Củ tịc Mpồl duh broă Dà lơgar Thụy Sỹ ồng Martin Candinas cribơyai mờ Củ tịc Quôk hội lơgar Việt Nam ồng Vương Đình Huệ, còp să Củ tịc lơgar ồng Võ Văn Thưởng mờ tìp măt tơm bơh bơr mờ Thủ tướng Cíñ phủ ồng Phạm Minh Chính; lơh broă mờ Ƀộ trưởng Ƀộ Kông thương ồng Nguyễn Hồng Diên.