Đơs tàm dơ̆ pơrjum, Củ tịc Quôk hội ồng Vương Đình Huệ dùl dơ̆ tai đơs nền, do là broă lơh bơh gờñ, bơh ngài lài mờ tŭ yal Ủy ƀan Thường vụ Quôk hội ai jơnau đơs ngan ngồn dut ndơl. Tơnơ̆ hơ̆, rơndap lơh Adat Hợp ták xã (tam gơl) geh dan jơnau đơs tàm Pơrjum kwang bàng Quôk hội lơh broă sùm. Jat broă rơndap lơh, Quôk hội sền sơ wì nàng pờ tê ring bal tàm pơrjum dơ̆ 5 tàm nhai 5 nam do.

Đơs pơn dut dơ̆ lơh broă. Củ tịc Quôk hội ồng Vương Đình Huệ sồr Thường trựk Ủy ƀan Lơh sa ring bal mờ Ƀộ Kế hoạc mờ Đầu tư, ală anih lơh broă, mpồl lơh broă geh gơ rềng nàng ring bal dùl rơndap broă yal Ủy ƀan Thường vụ Quôk hội, Quôk hội in; sồr Phó Thủ tướng Cíñ phủ ồng Trần Lưu Quang lam lơh ai jơnau đơs wơl mờ Cíñ phủ nàng gờñ ring bal ală broă dờng geh đơs tus tàm dơ̆ lơh broă.