Đơs tàm dơ̆ lơh broă, Củ tịc Quôk hội ồng Vương Đình Huệ sồr Ủy ƀan cribơyai broă mờ lơgar ndai cih dờp ală jơnau đơs, mhar lơh sir ală sră nggal geh gơ rềng nàng rơcang niam ngan rlau jơh ai broă bơyai lơh pơrjum in; ring bal kờp dŭ bơyai lơh Pơrjum tàm nhai 9 nam do.

Củ tịc Quôk hội đơs nền, jơnau kờñ bơh Pơrjum Cribơyai Nghị sĩ kơnòm să gùt plai ù dê là sơlơ tơnguh gơnoar broă bơh nghị sĩ kơnòm să dê mờ bơta tus bal bơh ơruh pơnu dê tàm broă lơh Nghị viện, ai tơlik ală jơnau đơs, jơnau sồr jat bơta sền sơ wì bơh cau kơnòm să dê bè ală broă lơh kung bè tơngume cribơyai bơh IPU dê; lơh mpồl lơh broă, tam klac mờ tơnguh pràn jak, rề ơnàng ală broă tus bal bơh cau kơnòm să dê gơ wèt mờ ală broă he sền gròi bal.