Tàm dơ̆ lơh broă, Củ tịc Quôk hội Vương Đình Huệ jờng rơ cồng nha mờ càr neh lơh geh tàm jơh ală gah, bơtàu tơnguh lơh sa- mpồl bơtiàn, gàr lơngăp lơngai rài kis, tơrmù rƀah, bơtàu tơnguh ƀòn lơgar pa, sền dờng màng ai kòn bơnus lơh tờm; broă lơh bơtàu Đảng, ală broă lơh bơh Hội đồng Ñân zân dê là bơta niam mpờl gŏ loh làng ngan. 

Ring bal mờ ală gùng dà ai tơlik lài dờng ngan bơtàu tơnguh càr tus nam 2023, broă wèt sền tus nam 2025, ală jơnau kờñ, kơnòl broă mờ broă lơh tờm mờ Đảng ƀộ càr neh git nền ai nam 2024 in, Củ tịc Quôk hội Vương Đình Huệ ai tơlik càr Bà Rịa – Vũng Tàu in 2, 3 bơta bè Rơndap ù tiah càr neh geh ring bal tơngai bơh nam 2021 tus nam 2030, broă wèt sền tus nam 2050 mờ ală jơnau kờñ mùl màl bè tơngai bơh nam 2025 tus nam 2030, tơrgùm tàm 4 gah broă lơh, geh: Lơh sa mờ măi mok, anih ơhò ơm tàm dà lềng mờ logistics, lòt nhơl mờ tiah drà, broă drơng ala.