Pà git, tơngai gam gơl, Quôk hội  rơp lơh 3 dơ̆ pơrjum ờs mờng mờ 1 dơ̆ pơrjum bal tơngai lơh broă Quôk hội khoă XV, Củ tịc Quôk hội ồng Trần Thanh Mẫn đơs là, do là khà broă uă ngan. Bè hơ̆ den tàng Củ tịc Quôk hội sồr, Mpồl duh broă Jơi bơtiàn, ală Anih duh broă bơh Quôk hội dê pal lam lơh jơh nùs nàng lơh gơs niam kơnòl broă geh jàu. Kuơmàng, nam 2025, dà lơgar he geh uă broă dờng bè: tơngkah kir sơnrai 80 nam Kac màng nhai 8 pha lin mờ Sơn tờm dà lơgar 02/9; 50 nam Tơngklàs tiah đah jum tơrgùm dùl dà lơgar; broă rơcang tĕ khà Kwang bàng Quôk hội khoă XVI mờ Mpồl duh broă làng bol ală kâp tơngai lơh broă bơh nam 2026 tus nam 2031. Nam 2026, Quôk hội tơngkah 80 nam Ngai tĕ khà pồ Quôk hội Việt Nam.