Ala măt Anih duh broă Lơh kơnòl broă sùm Quôk hội dê, Củ tịc Quôk hội ồng Trần Thanh Mẫn tơlik nùs nhơm kah rơngal uă ngan gơ wèt mờ ală rơnàng cau pơgru, kwang bàng ătbồ bơto bơtê đơs bal, ală cau ala măt Quôk hội tŭ do gam lơh broă tàm gah bơto bơtê đơs is lơh geh uă cồng nha pa tàm broă lơh tề lam bơto bơtê kòn bơnus; nting bơr kơ̆p kờñ broă lơh bơto bơtê mờ bơsram bơh lơgar he dê ngai sơlơ bơtàu tơngguh. Củ tịc Quôk hội ồng Trần Thanh Mẫn đơs sùm, mờ bơta jơh nùs jơh tồr, gơboh broă mờ gĭt wă jrô bơta geh ngan jrô ơnàng làm uă, ală cau ala măt Quôk hội là cau pơgru, lài do là cau pơgru, kwang bàng ătbồ bơto bơtê neh geh tă pơgồp uă tàm bơ̆t bơtàu, lơh sir ală kơrnoăt boh lam, tus bal lơh nền ală broă kwơmàng, jăt sền lam lơh jăt gùng dà broă lơh, kơrnoăt boh lam bè bơto bơtê mờ bơsram.

Củ tịc Quôk hội kơ̆p kờñ tơl nă klau pơgru, tơl nă ùr pơgru rơ̆p sùm là krơh àng bè nùs nhơm, boh bơr niam chài; lơh ngan bơsong tơl kal ke, jơh nùs jơh tồr, geh kơnòl, gơboh broă, sơnđàc kơnòm bơsram; sùm lơh ngan bơsram tàp yờ tơngguh bồ tơnggoh gĭt wă broă lơh ờs mờng.