Đơs tàm dơ̆ ai mŭt ngui, Củ tịc Quốk hội ồng Trần Thanh Mẫn đơs nền, lơgar Việt Nam mờ lơgar Campuchia là bàr lơgar rềp bal, đềt mềr, geh bơta git gơ̆p ờs mờng, đềt mềr bơh yau, geh ală rơnàng kwang bàng đơng lam, làng bol bàr lơgar bơ̆t bơtàu sùm mờ gơs phan bơna bal kwơ màng ngan bơh bàr jơi bơtiàn dê.

Đảng, Dà lơgar, Quốk hội, làng bol lơgar Việt Nam kơ̆p kờñ Hìu lơh broă pa Quốk hội lơgar Campuchia geh gơs rùp rài bơh nùs nhơm tam klăc bal, git gơ̆p lơh bơyô bal kơ̆ kơl jăp đah lơgar Việt Nam mờ lơgar Campuchia. Đơs tàm dơ̆ mŭt ngui, Củ tịc Quốk hội lơgar Campuchia mò Khuon Sudary tơlik nùs nhơm ưn ngài uă ngan gơwèt mờ Đảng, Dà lơgar, làng bol lơgar Việt Nam neh kờñ bal mờ dong kờl broă lơh Hìu lơh broă Quốk hội lơgar Campuchia in; mờ đơs là, do là rùp rài bơh nùs nhơm git gơ̆p lơh bơyô bal, tam klăc bal đềt mềr, kơ̆ kơl jăp mờ jŏ jòng đah lơgar Campuchia mờ lơgar Việt Nam dê.