Bè ală tơngume lơh broă tờm tàm nhai 02, Củ tịc Quôk hội ồng Vương Đình Huệ sồr ală anih lơh broă tơrgùm rcang niam ngan ai Dơ̆ pơrjum bơh Ủy ƀan Thường vụ Quôk hội in (kờp dŭ jŏ jòng tàm 4 ngai). Dùl tơngume kwơ màng ngan ndai hơ̆ là Pơrjum gùt lơgar tơn jơh broă lơh Hội đồng Ñân zân ală càr, ƀòn dờng gơwèt Dà lơgar (kờp dŭ geh bơyai lơh tàm Quảng Ninh).

Bè ală tơngume lơh broă tàm qúy I mờ jơh gùt nam, Củ tịc Quôk hội ồng Vương Đình Huệ sồr Ủy ƀan Adat boh lam đơng lam bơt bơtàu Broă lơh lơh adat boh lam, Kơrnoat boh lam nam 2024, tam gơl wơl Broă lơh bơt bơtàu Adat, Kơrnoat boh lam nam 2023, ală anih lơh broă ndai rcang pơgồp bal mờ ală anih lơh broă geh gơrềng nàng đơs ală rơndap broă lơh nàng yal mờ Ủy ƀan Thường vụ Quôk hội mờ Quôk hội jat gơnap gơnoar.