Tàm dơ̆ tìp mat, ală cau tĕ khà bơh kơnhoàl Vĩnh Bảo dê sền gròi ngan tus ală mpồl broă bè: tiah ơm kis; broă lơh dong kờl bè ai càn priă; atbồ tiah drà; rơndap ù tiah; lơh sơnơm; niam chài; lòt nhơl; bè lơh sa suơn sre, cau lơh broă sa, tiah ƀòn lơgar; ală broă lơh prap gàr, bơtàu tơnguh ƀòn lơh broă ờs mờng bơh yau. Củ tịc Quôk hội ồng Vương Đình Huệ yal, tàm nhai 7 do, Ủy ƀan Thường vụ Quôk hội rơp ai tơlik Nghị quyết, Cíñ phủ, ală Ƀộ, gah broă lơh dà lơgar, ală càr, ƀòn dờng kung neh bơt bơtàu broă rơndap lơh nàng rơcang lài lam lơh broă rơndap tap sèng mpồl lơh broă sră pơ àr dà lơgar tàm tơngai tus.

Củ tịc Quôk hội ồng Vương Đình Huệ neh đơs lơh loh ală broă ndai mờ cau tĕ khà kơnhoàl Vĩnh Bảo đơs, mờ kung đơs nền ală anih lơh broă geh gơ rềng bơh Quôk hội dê rơp kơlôi sơnơng, cih dờp jơnau đơs bơh cau tĕ khà dê, bơsong ală broă jat gơnăp gơnoar mờ Mpồl kwang bàng Quôk hội ƀòn dờng rơp jat sền broă lơh jat di jơnau sồr.