Ala mat kwang đơng lam bồ Đảng, Dà lơgar, Củ tịc Quôk hội ồng Vương Đình Huệ đơs niam, cih dờp, jờng rơ ală cồng nha mờ ală rơnàng kwang bàng, cau ling bơh Mpồl ling sền gàr kơl wàng trồ- ling rơndeh par neh lơh geh tàm sùm 60 nam do. Mờ ală cồng nha dờng màng mờ bơhiàn khin cha jak chài tàm 60 nam do, Củ tịc Quôk hội pin dờn là, tềng đap bơta đơng lam bồ bơh Đảng dê, bơta atbồ bơh dà lơgar dê, mờ tàm hơ̆ atbồ tơn là Quân ủy sền gàr kơl wàng trồ- ling rơndeh par rơp pơn jat tai lơh ngan, pơn đơl pràn sơrlèt gan tơl kal ke, bơta lòng, pơn jat tai đòm jat cồng nha neh lơh geh, lơh gơs jak ngan broă lơh bơt bơtàu mờ sền gàr kơl wàng trồ dà lơgar.