Củ tịc Quốk hội ồng Vương Đình Huệ đơs niam cồng nha lơh broă bơh HĐÑZ ƀòn dờng Hà Nội dê, tàm hơ̆, HĐÑZ ƀòn dờng mờ ală kấp tus bal niam, geh kơnòl ngan tàm cồng nha niam bơnĕ bơh dơ̆ tĕ khà Quốk hội khoă XV dê mờ kwang bàng HĐÑZ ală kấp tơngai lơh broă bơh nam 2021 tus 2026.

Geh pơnrơ ngan tàm tơngai lơh broă do là Đảng đoàn HĐÑZ, Thường trựk HĐÑZ ƀòn dờng neh geh jơnau dan mờ Ƀan Thường vụ Thàñ ủy Hà Nội ai geh mờ lơh jăt Rơndăp broă sồ 15 bè “Tơnguh uă bơta pràn, cồng nha lơh broă bơh HĐÑZ ală kấp tơngai bơh nam 2021 tus 2026 pơgồp bal mờ broă lơh tơrlòng broă bơyai lơh gơnoar atbồ tiah drà mờ tơnguh gơnoar atbồ ƀòn lơgar tàm ƀòn dờng Hà Nội”. HĐÑZ ƀòn dờng neh tus bal pơgồp bal mờ ală Ủy ƀan Quốk hội, Mpồl kwang bàng Quốk hội ƀòn dờng nàng lơh geh cồng nha ală broă jăt sền bơh Quốk hội mờ Ủy ƀan Thường vụ Quốk hội.