Tàm dơ̆ wă, Củ tịc Quốk hội ồng Vương Đình Huệ tơlik nùs nhơm kơ̆p kờñ, mờ bơta git gơ̆p lơh broă tam klăc bal jŏ jòng Tơl ală bơta đah bàr lơgar geh lơh pràn kơl dang rơlao tai bơta git gơ̆p lơh sa, kă bro, bơcri priă di pal mờ bơta git gơ̆p đah bàr lơgar dê, tàm hơ̆ uă ngan là tàm ală gah broă tam gơl pa bơceh lơh, tam gơl tơlir, rơcang sơndră mờ tam gơl trồ tiah.

Củ tịc Quốk hội pà git, tus do, kờp dŭ tàm Hà Nội geh bơyai lơh ai mŭt ngui Anih tờm tam gơl pa bơceh lơh Dà lơgar, Củ tịc Quốk hội pin dờn là, mờ broă dong kờl bơh SK dê, do geh là bơta pràn kwơ màng ai bơta mŭt lơh broă tam gơl pa bơceh lơh lơgar Việt Nam dê, pơgồp bal tàm broă tam gơl lơh sa mờ lơh geh uă anih lơh broă ndai tàm tơnơ̆ do lơgar Việt Nam dê. Quốk hội mờ să tờm Củ tịc Quốk hội ồng Vương Đình Huệ kờñ bal, ai tơl bơta niam nàng ală mpồl lơh sa kă bro, cau bơcri priă lơgar Hàn Quốk in, tàm hơ̆ uă ngan là Tập đoàn SK pơn jăt tai bơcri priă kă bro jŏ jòng tàm lơgar Việt Nam.