Củ tịc Quôk hội ồng Vương Đình Huệ đơs sùm, Mpồl Tam klăc câu Âu (EU) là mpồl lơh broă bal kwơmàng khà dùl tàm gùng dà broă lơh lơh broă mờ lơgar ndai bơh Việt Nam dê. Tài bè hơ̆, den tàng Việt Nam kơ̆p kờñ sơlơ tơnguh rlau tai bơta gĭt gơ̆p mờ Mpồl Tam klăc câu Âu kung bè mờ ală lơgar tàm mpồl do; mơkung jờng rơ ngan ală cồng nha niam ngan, kwơmàng ngan tàm bơta gĭt gơ̆p đah Việt Nam mờ Mpồl Tam klăc câu Âu tàm ală broă kwơmàng: Cíñ trị, cribơyai broă mờ lơgar ndai; kă bro; bơcri priă; lơh broă sa sươn sre, lơh ka; sền gàr dà lơgar- lơngăp lơngai; lơh broă bal bơcri priă bơtàu tơnguh; tìp măt cribơyai gơnoar kòn bơnus...Bơta ndai, Việt Nam, Quôk hội Việt Nam sùm kờñ sơlơ tơnguh tai bơta gĭt gơ̆p tam klăc lơh broă bal jŏ jòng đah Asean mờ EU mờ tŭ lơi kung kờñ lơh gơnoar broă jơh nùs tàm ală broă lơh do. Củ tịc Ủy ƀan Lơh broă mờ lơgar ndai bơh Nghị viện câu Âu (EP) dê pà gĭt, dơ̆ lòt còp mờ lơh broă tàm Việt Nam nàng kờñ chồl tơnguh rlau tai bơta gĭt gơ̆p đah EU mờ Asean; mơkung sơlơ cribơyai broă mờ lơgar ndai nghị viện.