Củ tịc Quốk hội đơa tờm, lơgar Việt Nam sùm sền broă tơnguh, pờ ơnàng bơta git gơ̆p mờ lơgar Nga là dùl tàm ală broă ai lài ngan tàm broă lơh broă bal mờ lơgar ndai. Lơgar Việt Nam sùm kah tus mờ broă dong kờl dờng màng, kwơ màng bơh lơgar Liên Xô lài do, tơnơ̆ do là lơgar Nga tàm broă tam lơh tơnklàs dà lơgar lài do kung bè tàm broă bơ̆t bơtàu dà lơgar tŭ do.

Quốk hội lơgar Việt Nam kờñ bal mờ Anih cah rơña Làng bol Dờng rơlao jơh lơgar Việt Nam mờ Anih cah rơña dờng rơlao jơh lơgar Nga kung bè anih lơh broă tư pháp bàr lơgar ngai sơlơ tam klăc bal, lơh broă bal nền nòn rơlao. Kwang atbồ Anihc ah rơña dờng rơlao jơh lơgar Nga ồng Lebedev Vyacheslav Mikhailovich pin dờn, dơ̆ tus còp do geh pơgồp bal tàm broă pờ ơnàng bơta git gơ̆p lơh broă bal mờ Anih cah rơña Làng bol Dờng rơlao jơh lơgar Việt Nam dê; broă tam gơl mpồl kwang bàng ală kấp geh pơn jăt tai geh bàr lơgar lơh pràn tàm tơngai tus; mờ broă tìp bal làng bol kung geh pơn jăt tai tơnguh bơtàu.