Đơs tàm dơ̆ tìp mat, Củ tịc Quôk hội ồng Vương Đình Huệ đơs nền, Việt Nam sền dờng màng ngan, đơs niam ngan mờ kung kơp kờñ sơlơ tơnguh bơta git gơp mờ Mpồl tam klac câu Âu, Mpồl duh broă kă bro EU- ASEAN pơn jat tai ngui niam gơnoar broă kuơmàng, lơh gơlik rbàng tơrbŏ bal pin dờn, dong kờl jơh nùs ai ală mpồl lơh sa kă bro mờ ală cau bơcri priă EU tàm ASEAN in đơs bal mờ drà kă bro Việt Nam đơs is.

Củ tịc Quôk hội đơs nền, Quôk hội Việt Nam tàm tơl broă lơh nền he dê ndrờm tài bơh jơnau kờñ bơt bơtàu bơta bơtàu tơnguh mhar mờ kơ̆ kơljap, tơnguh bơta mut gơ rờm bal ngai sơlơ jơh nùs, rơcang lài, geh cồng nha bơh Việt Nam dê tàm tiah mờ tàm dunia. Do là jơnau kờñ geh đơs sùm, ờ tam gơl tàm 76 nam Quôk hội dê kung bè Quôk hội khoă 15. Quôk hội ai mpồl lơh sa kă bro, làng bol lơh tờm tàm tơl broă lơh nền he dê.